上海言话“香瓜”搭仔“饭瓜”

——学好上海言话消除生活当中个勿必要个误会

作者：张林龙

朗读：徐辉

辣辣上世纪八十年代，我伲上海市奉贤县个光明公社金汇港两边个几个生产小队种植了“光明锦绣黄桃”。黄桃自产自销，社员们大多就近放辣辣马路两荡滩卖黄桃。

每年个8月份个辰光是光明黄桃成熟季节，张阿婆总是拿黄桃放辣辣近金汇港胡村大桥个金钱公路浪向卖。有得一日天啊，迎面开来了一辆小车，停辣辣张阿婆个摊位附近，从车浪向下来了几个城里个年轻人，伊拉到张阿婆摊头浪向买了3马夹袋黄桃，顺带便（shendabhi）问了张阿婆一句：“阿婆侬屋里种香瓜？”阿婆回答讲：“种个，?要？”城里人回答讲：“要二只。”阿婆豪(sao)跑到自家个田头，满头大汗个从田里采来了二只大“香瓜”。阿婆对城里人讲“香瓜”采来了，称称份量，城里人看到以后啊侪呆脱了。就讲：“阿婆我伲要个是‘香瓜’勿是‘饭瓜’，‘饭瓜’就勿要了。”阿婆讲：“?要‘香瓜’，我采了‘香瓜’，?讲勿要就勿要了，呒没介便宜个！搿个勿是开国际玩笑嘛。”于是阿婆就请旁边个其他卖黄桃人评理，侪讲阿婆呒没做错，城里人应该拿“香瓜”买下来。城里人看看形势勿妙，又讲勿通，就只好买下来了二只“香瓜”。

辣辣搿搭我要脱大家讲个是，迭个倒勿是乡下人仗着人多来欺负城里人个。因为辣辣上世纪个70～80年代奉贤县光明公社社员讲个“香瓜”勿是城里向人讲个“香瓜”，奉贤县光明公社社员讲个“香瓜”就是城里人讲个“饭瓜”，而城里人讲个“香瓜”就是一种绿皮绿肉外加带有瓜香味道个甜瓜，也有人讲是七宝个黄金瓜（又叫十条筋），因为黄金瓜也有香味道。“饭瓜”现在个年轻人侪受普通话同化，侪叫“南瓜”了。现在奉贤区农村个一眼老年人仍旧拿“饭瓜”叫做香瓜。而松江人往往拿亭林雪瓜叫香瓜，亭林雪瓜是滚圆雪白带点绿色，味道老老香个。

我伲认为啊假使侬要做好基层工作，学好当地方言是邪气必要个。迭趟年上海地铁5号线招聘站务员公告（也就是地铁5号线延伸段公开招聘名站务员），对岗位要求当中有一条：限本市户籍（奉贤户籍优先）或能听懂上海话个新上海人。为啥咾要奉贤户籍优先，因为迭眼站务员服务个主要对象是奉贤区当地个居民群众，以及其他市民，假使伊拉听勿懂当地个奉贤言话，辣辣做好服务工作浪向就会大打折扣。迭个也至少说明学好方言是邪气重要个，利用好方言，有利于保护、传承地方文化，是保护好文化多样性个重要方面，可以更好个服务当地居民群众，同时青年人可以增加就业机会。

播音员简介

徐辉老师简介：闵行沪语播音员。

△徐辉老师

九月初九话重阳稿件来源节日福多多播讲：叶进（上海人民广播电台阿富根）改编：杨张悦-10-16

沪语情景朗读《我跟父亲孵混堂》作者：葛明铭朗读：葛明铭配乐：葛颖盈-10-15

话白相（1）谈谈上海言话作者：白米改编：张林龙朗读：徐辉-10-30

想起郑福斋作者：李北宏改编：杨张悦朗读：徐辉-10-18

扫描